പാല്, പച്ചക്കറി, ഇറച്ചി, കോഴി, പഴങ്ങള് , സിനിമ, മാനവവിഭവശേഷി,
(വീടുപണി, നിര്മ്മാണം, റോഡ് പണി, ... തോട്ടിപ്പണി വരെ..)
തമിഴരെ ആശ്രയിക്കാതെ നമ്മള്ക്ക് സ്വയം നികത്താന് പറ്റുന്ന ഒരു ഫീല്ഡ് പറയാമോ?
നമ്മള് ശരിക്കും തീര്ത്തും അവരുടെ അടിമകള് തന്നെയാണ്. കാരണം നമ്മുടെ കയ്യിലിരിപ്പ് തന്നെ.
നമ്മള് മലയാളികള് :
മേലനങ്ങി പണിയെടുക്കില്ല.
ഒരു രൂപയുടെ പച്ചക്കറി നമ്മള് വില്ക്കുമ്പോ നമുക്ക് 50 രൂപ കിട്ടണം.
നമ്മള് വില്ക്കുന്ന സാധനങ്ങളുടെ വില കൂട്ടാന് നമുക്ക് ഒരു കാരണവും വേണ്ട.
ദിവസേന നമ്മള് വില കൂട്ടുന്നു.
വിറ്റാല് മാര്ക്കെറ്റില് നൂറു രൂപ കിട്ടുന്ന സാധനത്തിനു
വെറും അഞ്ചു രൂപയെ വിലയുള്ളൂ എന്ന് പറഞ്ഞു കര്ഷകനെ നമ്മള് ചതിക്കുന്നു.
ഉല്പ്പാദകനു ഒരു രൂപ കിട്ടുമ്പോള് വില്പ്പനക്കാരന് 50 രൂപയും
ഇടനിലക്കാരന് 100 രൂപയും കിട്ടുന്നു. (അല്ല, പിടിച്ചു പറിക്കുന്നു)
...
...
മലയാളിയുടെ മഹിമകള് പറഞ്ഞാല് തീരില്ല.
നമ്മുടെ നാട്ടില് കാര്ഷികോല്പ്പാദനം നടക്കില്ല. കൃഷി നടക്കില്ല.
നമ്മുടെ നാട്ടില് ചെറുകിട വ്യവസായങ്ങള് നടക്കില്ല,
നടക്കണമെങ്കില് മുടക്ക് മുതലിന്റെ മൂന്നിരട്ടി കള്ളന്മാര്ക്ക് കാണിക്ക വെക്കണം.
അവരുടെ ഉല്പ്പന്നങ്ങള് വേണ്ടെന്നു വച്ചാല് ആ പേരും പറഞ്ഞു നമ്മുടെ
ഇടനിലക്കാര് നമ്മുടെ കഴുത്തിന് കത്തി വെയ്ക്കും.
ആന്ധ്രയില് നിന്നോ കര്ണ്ണാടകയില് നിന്നോ കൊണ്ട് വരുന്ന സാധനത്തിനു അവര് പത്തും നൂറും ഇരട്ടി
വിലയീടാക്കും.
നമ്മള് വാങ്ങുന്നത് അവര് (അവിടത്തെ കര്ഷകര്) ഉല്പ്പാദിപ്പിക്കുന്നത് കൊണ്ട് മാത്രമല്ല.
നമ്മുടെ ഇടനിലക്കാര്ക്ക് ഭീകരമായ ലാഭം എടുക്കാന് മാത്രം നിസ്സാര വിലക്ക് അവരുടെ
ഉല്പ്പന്നങ്ങള് അവര് വില്ക്കാന് തയാറാവുന്നത് കൊണ്ടാണ്.
നമ്മള് തമിഴര്ക്കെതിരെ ഫേസ്ബുക്കില് തെറി വിളിച്ചിട്ട് കാര്യമുണ്ടെന്നു എനിക്ക് അഭിപ്രായമില്ല.
തമിഴരെ തെറി വിളിക്കുകയോ, മലയാളികള് അവസരം മുതലാക്കി ഫേസ്ബുക്കില് ഒരായിരം 'അണക്കെട്ട്'
കെട്ടുകയോ ചെയ്താലും മുല്ലപ്പെരിയാറും നമ്മളും രക്ഷപ്പെടുകയില്ല.
നമ്മളെ കാര്ന്നു തിന്നുന്ന നമ്മുടെ രാഷ്ട്രീയ ഇത്തിക്കണ്ണികളെ ഉന്മൂലനം ചെയ്താലേ പുതുതായി
എന്തെങ്കിലും സംഭവിക്കുമെന്ന പ്രതീക്ഷ വെച്ച് പുലര്ത്താന് എങ്കിലും നമുക്ക് പഴുതുള്ളൂ..
ഡാം ക്രമേണ തുറന്നു വിടുകയോ, പുതിയ ഡാം നിര്മ്മിക്കുകയോ, എന്തായാലും ചെയ്യേണ്ടത് അവര് തന്നെയാണ്.
നമ്മെ ഭരിക്കുന്നവര്.
അവര്ക്ക് അത് ചെയ്യാന് എന്ത് തടസ്സം എന്ന് ചോദിക്കരുത്.
അവര്ക്ക് അത് ചെയ്തിട്ട് എന്ത് പ്രയോജനം എന്ന് ചോദിക്കൂ.
No comments:
Post a Comment