വിവരക്കേടിന്റെ പോപ്പുലേഷന്‍ ഫോബിയ!!

എങ്ങിനെയൊക്കെ വിശദീകരിച്ചാലും.. ഇത് വ്യക്തിസ്വാതന്ത്ര്യ ഹത്യയാണ്.. മനുഷ്യാവകാശ ലംഘനമാണ്.

ഒരു ദിവസം നിശ്ചിത അളവില്‍ കൂടുതല്‍ മല/മൂത്ര വിസര്‍ജനം ചെയ്യരുതെന്ന് നിയമം വരുന്നതിനെ കുറിച്ച് എന്ത് പറയുന്നു? അത്രയും തന്നെ ഭീകരമാണിത്.

സെപ്ടിക് ടാങ്കുകളില്‍ നിന്നുള്ള മലിനീകരണം; താമസം, വെള്ളം, ഭക്ഷണം, ജീവിത ചെലവുകള്‍ എന്നിവയെ ക്കാള്‍ വലിയ ഒരു പ്രശ്നമാവുന്ന ഒരവസ്ഥ (വിദൂരമല്ലാത്ത ഭാവിയില്‍ ) വന്നാല്‍ അന്ന് മലമൂത്ര വിസര്‍ജനം നിയന്ത്രിക്കുന്ന നിയമം വരികയും അത് ലംഘിക്കുന്നവരെ ശിക്ഷിക്കുകയും ചെയ്യുന്ന അവസ്ഥ വരികയാണെങ്കില്‍ നിങ്ങള്‍ അനുകൂലിക്കുമോ?

ഇനി ജനസംഘ്യയുടെ കാര്യം:
കൂടുതല്‍ ജനങ്ങള്‍ ഉണ്ടായാല്‍ ഇപ്പോള്‍ ഉള്ളവര്‍ക്ക് ജീവിക്കാന്‍ സൗകര്യം കുറയും എന്ന ഒരു തരം പോപുലേഷന്‍ ഫോബിയ!!

ഒരു കുഞ്ഞു ജനിക്കുമ്പോള്‍ അവന്‍ രണ്ടു കൈകളും കാലുകളും കണ്ണുകളും എല്ലാം ആയാണ് ജനിക്കുന്നത്.. പുതിയ ജന്മങ്ങള്‍ക്ക് ഇവിടെ സ്ഥാനമില്ലെന്ന് ശഠിക്കുന്നത് ധിക്കാരവും അതിലേറെ വിഡ്ഢിത്തവുമാണ്.

സ്ഥലവും വിഭവങ്ങളും ഭൂമിയില്‍ ഇന്നേ വരെ ചൂഷണം ചെയ്യപ്പെട്ടതിനേക്കാള്‍ എത്രയോ ആയിരം മടങ്ങ്‌ ഇനിയുമുണ്ട്. അവ ഉപയോഗപെടുത്തുന്നതിനുള്ള കൂടുതല്‍ ക്രിയാത്മകവും ബുദ്ധി പരവുമായ മാര്‍ഗങ്ങള്‍ കണ്ടെത്തുകയാണ് വേണ്ടത്.

അല്ലാതെ എലിയെ പേടിച്ച് ഇല്ലം ചുടുംപോലെ .. അടിസ്ഥാന മനുഷ്യാവകാശങ്ങള്‍ വ്യവസ്ഥാപിതമായി നിഷേധിക്കുകയല്ല.

അതെ സമയം ഭൂമിയില്‍ വിഭവങ്ങള്‍ കവരുന്നത് മനുഷ്യന്‍ മാത്രമല്ല.. അനേക കോടി ജന്തു ജാലങ്ങളും ഈ ഭൂമിയില്‍ ഒരു നിയന്ത്രണവുമില്ലാതെ പെറ്റു പെരുകി കൊണ്ടേയിരിക്കുന്നു.

മറ്റു ജന്തു ജാലങ്ങളുടെ പ്രജനനം പ്രോത്സാഹിപ്പിക്കുകയും നിയമവും ശിക്ഷകളും മൂലം ഉറപ്പു വരുത്തുകയും ചെയ്യുന്ന ലോക സംവിധാനം മനുഷ്യ രാശിയുടെ പ്രജനനത്തെ മാത്രം എന്തിനിങ്ങനെ എതിര്‍ക്കുന്നു? പേടിക്കുന്നു? തികഞ്ഞ, കറ തീര്‍ന്ന സ്വാര്‍ഥത, മുതലാളിത്ത മനശാസ്ത്രം എന്നല്ലാതെ എന്ത് പേരിട്ടു വിളിക്കും ഈ വിഡ്ഢിത്തത്തെ?!!

ഇനി ഈ കണക്ക് ഒന്ന് വായിച്ചു നോക്കൂ.. : 

The world's population is 6.8 billion,[4] and Earth's total area (including land and water) is 510 million square kilometers (197 million square miles).[5] Therefore the worldwide human population density is 6.8 billion ÷ 510 million = 13.3 per km² (34.5 per sq. mile). If only the Earth's land area of 150 million km² (58 million sq. miles) is taken into account, then human population density increases to 45.3 per km² (117.2 per sq. mile). This calculation includes all continental and island land area, including Antarctica. If Antarctica is also excluded, then population density rises to 50 people per km² (129.28 per sq. mile).[1] Considering that over half of the Earth's land mass consists of areas inhospitable to human inhabitation, such as deserts and high mountains, and that population tends to cluster around seaports and fresh water sources, this number by itself does not give any meaningful measurement of human population density. 

ഒഴിവു കിട്ടുമ്പോള്‍ പറഞ്ഞു ചിരിക്കാന്‍ സിംഹവാലന്‍ കുരങ്ങുകള്‍ക്ക് ഒരു പഴംകഥ!!

ഇപ്പോള്‍ കുഞ്ഞുങ്ങള്‍ രണ്ടു മതിയെന്നു തീരുമാനിക്കാം.

എന്നാല്‍ ഒരു പത്തു മുന്നൂറു വര്ഷം കഴിയുമ്പോഴോ?

അപ്പൊ ഈ രണ്ടു കുട്ടികളും ഒരു പ്രശ്നമാവും.
അപ്പൊ രണ്ടു പേര്‍ക്ക് ഒരു കുഞ്ഞു മതിയെന്ന് നിയമം കൊണ്ടുവരേണ്ടി വരും.

രണ്ടുപേര്‍ക്ക് ഒരു കുട്ടി വീതം മതിയെന്ന് തീരുമാനിക്കുന്നതോടെ ഉണ്ടാവുന്ന പ്രശ്നങ്ങള്‍ കണക്ക് കൂട്ടി നോക്കീട്ടുണ്ടോ?

നമ്മുടെ തലമുറയില്‍ ഒരു കുട്ടി മതിയെന്നു തീരുമാനിച്ചാല്‍:

ഇന്നത്തെ തലമുറയിലെ രണ്ടുപേരില്‍ നിന്നും ഉണ്ടാവുക ഒരു കുട്ടി.

എന്ന് പറഞ്ഞാല്‍ രണ്ടു കുടുംബങ്ങളില്‍ (നാല് പേരില്‍) നിന്ന് രണ്ടു പേര്‍ ഉണ്ടാകുന്നു. അടുത്ത തലമുറയിലേക്ക് കടക്കുമ്പോള്‍ തന്നെ പ്രശ്നം തുടങ്ങും.

എട്ടു വൃദ്ധര്‍ക്ക് നാല് മദ്ധ്യവയസ്ക്കരും അവര്‍ക്ക് രണ്ടു യുവാക്കളും അവര്‍ക്ക് താഴെ ഒരു കുഞ്ഞും.

അങ്ങിനെയുള്ളൊരു ലോകജനസംഖ്യയില്‍ അഞ്ചു കുഞ്ഞുങ്ങളും പത്തു യുവാക്കളും ഉണ്ടാവുമ്പോ ഇരുപതു മദ്ധ്യ വയസ്ക്കരും നാല്പതു വൃദ്ധരും ഉണ്ടാവും.

മൊത്തം ജനസംഖ്യ എഴുപത്തിയഞ്ചായാല്‍ അതില്‍ നാല്പതു പേര്‍ വൃദ്ധരായിരിക്കും. ബാക്കിയുള്ള മുപ്പത്തിയഞ്ചില്‍ ഇരുപതു പേര്‍ മദ്ധ്യവയസ്കരുമായിരിക്കും.

പത്തു യുവാക്കള്‍ ജോലി ചെയ്തു ബാക്കി അറുപത്തിയഞ്ചു പേരെ കൂടി സംരക്ഷിക്കണം.

ഇനി മദ്ധ്യവയസ്ക്കര്‍ക്ക് കൂടി ജോലിയുണ്ടെങ്കില്‍ മുപ്പതു പേര്‍ ഉല്‍പ്പാദകരും മൊത്തം എഴുപത്തിയഞ്ചു പേര്‍ ഉപഭോക്താക്കളും.

ഇതേ ഉല്‍പ്പാദന/ഉപഭോഗ അനുപാതത്തിലുള്ള ഒരു ലോക ജനസംഖ്യ സങ്കല്പ്പാതീതമാം വിധം സ്ഫോടനാത്മകമാണ്.

ജനസംഖ്യയുടെ അറുപത്തിയഞ്ചു ശതമാനം വരുന്ന വൃദ്ധപ്പടയെ സംരക്ഷിക്കാനും ചികിത്സിക്കാനും വേണ്ടി ഉള്ള ഒരു സംവിധാനമായി മാറും ലോക സമ്പദ്വ്യവസ്ഥ.

ഇതിലും അപകടകരമായ ഒരു കാര്യം എന്താണെന്നറിയാമോ?

ഈ അനുപാതത്തില്‍ ലോക ജനസംഖ്യ വീണ്ടും മുന്നോട്ടു പോയാല്‍ വളരെ ചുരുങ്ങിയ ഒരു കാല പരിധിക്കുള്ളില്‍, അതായത് ഒരു അഞ്ഞൂറ് വര്‍ഷത്തിനുള്ളില്‍ ലോക ജനസംഖ്യ ഇന്നത്തേതിന്റെ പത്തു ശതമാനമോ അതിലും കുറഞ്ഞതോ ആയി ചുരുങ്ങും.

പിന്നീടങ്ങോട്ടുള്ള കാലം ലോകത്തുള്ള ബാക്ടീരിയകളും സിംഹ വാലന്‍ കുരങ്ങുകളും ഒഴിവുകിട്ടുമ്പോ പറഞ്ഞു രസിക്കുന്ന ഒരു കടംകഥയായി മാറും മനുഷ്യവംശം.

നമ്മള്‍ ഇന്ന് ദിനോസറുകളെ കുറിച്ച് പറയാറുള്ള പോലെ അവര്‍ പറയും: "മനുഷ്യനെന്നൊരു വര്‍ഗ്ഗം നൂറ്റാണ്ടുകള്‍ക്ക് മുമ്പ് ഭൂമിയില്‍ ജീവിച്ചിരുന്നു" എന്ന്.